Қостанай облысының бірқатар ауданында қатты екпінді жел соғып, жауын-шашын мол түсті, салдарынан жол көрінбей қалған.
«Бір тәулік ішінде құтқарушылар 122 адамды эвакуациялаған, олардың қатарында жеті бала бар, 9 автокөлік жолдың таза бетіне шығарылды. Атап айтқанда, Қамысты, Сарыкөл, Науырзым және Жангелді аудандарында, сонымен қатар Арқалық пен Жітіқара қалаларының маңайында құтқару жұмыстары жүргізілді», - деп хабарлады ведомстводан.
«Құтқарушылар 04:50 мен 11:45 аралығында Арқалық қаласы мен Алуа ауылының арасында 49 адам, 8 жеңіл автокөлікті эвакуациялаған. Сонымен қатар Науырзым ауданында Дәмді ауылынан 15 шақырым жерде 17 жеңіл автокөлік пен бір жүк көлігін эвакуациялаған, көліктерде 50 адам болған, олардың жетеуі – бала.
Құтқару операциялары сәтті аяқталды, ешкім медициналық көмекті қажет етпеді, зардап шеккендер жоқ», - деді ведомстводан.
Қостанай облысының Төтенше жағдайлар бойынша департаменті азаматтарға ауа райының нашарлауына байланысты елді мекендерден алыс кетіп, өмірлерін қатерге тікпеуге кеңес береді.