Бала мен жүкті әйелді дереу ауруханаға жеткізу қажет еді, алайда шалғайда жатқан Ушаково ауылынан шығу жолын қар басып қалған, деп атап өтті баспасөз қызметі. Адамдарды құтқару операциясына жасақтың 7 қызметкері жұмылдырылды. Олар өз жұмысына мүдірмейтін автомашина, қарда жүретін көлік және жүкті әйелді тасымалдау үшін «Газель» көлігін қолданған. ҚР ТЖК Солтүстік аймақтық аэромобильді жедел құтқару жасағы басшысының орынбасары Сергей Шмидттің айтуынша, құтқару операциясы 15 сағаттан астам уақытқа созылған.
«Шығарып салушыларды қосқанда, құтқарушылар 8 адамды көшірді, - делінген хабарламада. - Жүкті әйел Әулиекөл ауылының ауруханасына жеткізілді, ал бала Қостанай қаласындағы облыстық балалар ауруханасына түсті. Дер кезінде көмек көрсетілгендіктен, адамдардың өмірі мен денсаулығына еш қауіп жоқ».
Қыс басынан бері құтқарушылар қолайсыз ауа райына байланысты Ушаково ауылынан 25 адамды шығарған.