Қостанай облыстық ІІД есірткі бизнесіне қарсы күрес басқармасы «Көкнәр-2018» операциясын жалғастырды. Із кесу шаралары барысында бұған дейін есірткі сатып келген қала тұрғыны қолға түсті.
«Күдіктінің гаражын тексеру барысында 10 келі 50 грамм есірткі заты - гашиш салынған пакет табылды. Ол аталған көлемдегі есірткіні сату үшін сақтап келген. Күдікті ҚР ҚК-нің «Аса ірі көлемдегі есірткі заттарын сақтау» бабы бойынша айыпталуда», - деді облыстық ІІД баспасөз қызметіндегілер.
Ведомствода мәлім етілгендей, «Көкнәр-2018» операциясы барысында 89 заңбұзушылық анықталды. Барлығы 18 келі есірткі заты тәркіленді.