ҚОСТАНАЙ. ҚазАқпарат – 16 жасар бала ауруханаға ауыр жарақаттармен түскен. Дәл осындай жағдай 2 апта бұрын да болыпты, деп хабарлайды ҚазАқпарат alau.kz-ке сілтеме жасап.
«Науқастың 12 елі ішегі үзілген. Бұл – сипаты мен емделуі ең ауыр жарақаттардың бірі. Асқынулар болуы мүмкін. Бала жансақтау бөлімінде жатыр, оған өкпені жасанды желдету аппараты қосылған. Ота жасалды. Жағдайы ауыр, бірақ тұрақтанды. Өз бетімен демалуы үшін аппаратты ажырату бойынша шешім қабылдаймыз», - деді облыстық балалар ауруханасы хирургиялық қызмет секторының меңгерушісі Игорь Белобржицкий.
Оқиға 12 сәуір күні болған. Дәрігердің айтуынша, ауруханаға осыдан 2 апта бұрын дәл осындай оқиғадан кейін Ұзынкөл ауданынан 16 жасар бала түскен.
«Жасөспірімнің басына футбол қақпасы құлаған. Бас сүйек-ми жарақатымен түсті. Жағдайы орташа ауыр болды. Қазір жазылып келеді. Осыдан 4 жыл бұрын Қостанайда үстіне футбол қақпасы құлаған бала көз жұмған еді. Енді мұндай жағдайлар қайталанбайтын шығар деп ойлағанбыз. Өкінішке қарай, мәселе әлі де бар», - деді дәрігер.
Гүлнұр Ғазизқызы
Әл-Фараби атындағы ҚазҰУ журналистика факультетінің түлегі. Еңбек жолын «Қазақ әдебиеті», «Сақшы» газеттерінен бастаған. «Дала мен Қала» республикалық қоғамдық-саяси апталығында тілші, жауапты хатшы болып істеді. «Қазақстан-Ақтау» телеарнасының тілшісі, «Қазақстан» Ұлттық арнасының Маңғыстау облысындағы меншікті тілшісі, Маңғыстау облысы әкімі баспасөз қызметінің бас маманы, «Қазақстан» РТРК» АҚ Маңғыстау облыстық филиалы директорының орынбасары – бас редакторы болды.
Ақпарат саласының үздігі.
«ҚР Президенті телерадиокешенінде» 2022 жылғы 1 сәуірден бастап істейді. Kazinform халықаралық ақпарат агенттігі басқарушы директорының орынбасары – қазақ редакциясының бас редакторы.