НҰР-СҰЛТАН. ҚазАқпарат - 16-21 шілде аралығында Қостанайда бокстан Орал мен Қорған Әйтеновтерді еске алуға арналған халықаралық турнир өтеді, деп хабарлайды ҚазАқпарат.
ҚР Бокс федерациясы хабарлағандай, жарысқа Қазақстан жастар құрамасына бөлек алыс-жақын шетелдерден де былғары қолғап шеберлері келіп, бақ сынамақ.
Турнирдің ашылу салтанаты 16 шілде күні сағат 15:00-ге жоспарланған. Дәстүрлі турнир Қостанайда 20-шы рет өткізілгелі отыр.
Айта кетейік, аталған жастар арасындағы турнирге кезінде Геннадий Головкин, Серік Сәпиев, Бақтияр Артаев және Иван Дычколар қатысқан.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.