Қостанайда кәсіпкерден ақша бопсалады деген күдікпен полицей ұсталды
23:15, 05 Қараша 2018
ҚОСТАНАЙ. ҚазАқпарат - Қостанайда кәсіпкерді қорқытып, ақша талап еткен 25 жастағы полицей қамауға алынды, деп хабарлайды ҚазАқпарат облыстық полиция департаментінің баспасөз қызметіне сілтеме жасап.
Оқиға 3 қараша күні Қостанай қаласында болған.
«Жедел-із кесу шаралары барысында облыстық полиция департаментінің қызметкерлері Қостанай қаласы жол-патрульдік полициясының 25 жастағы инспекторын ұстады. Бұған дейін кәсіпкер әйел полицейдің ақша бопсалағанын айтып, арыз жазған болатын», - деді облыстық полиция департаментінің ішкі қауіпсіздік басқармасының бастығы Алтынбек Сүйіншіәлиев журналистермен өткен брифингте.
Аталған факт бойынша ҚР қылмыстық-процестік кодексінің 128-бабы бойынша сотқа дейінгі тергеу шаралары басталды. Күдікті уақытша ұстау оқшаулағышына қамалды.
Осыған дейін Қостанайдағы түнгі клубтардың біріне бомба қойылғаны туралы хабарлағанбыз.