Қостанайда көлге демалуға барғандар батпаққа батып қалды

ҚОСТАНАЙ. KAZINFORM — Қостанайлық құтқарушылар адамдарды балшықтан шығарды. 

Өткен түні жауған жаңбыр топырақты шайып, салдарынан Новозаливное көлінде демалған тұрғындар өз бетінше үйіне жете алмай қалған. 

Құтқарушылардың күшімен 7 жеңіл автокөлік жолдың тазартылған учаскесіне сүйретіліп, құтқарылған 19 адам, оның ішінде 3 бала Қостанай қаласына сапарын жалғастырды.

Ешқайсы медициналық көмекке мұқтаж емес.