Қостанайда тұрғын үй алабының тұрғындары газсыз қалды

ҚОСТАНАЙ. KAZINFORM – Қостанайда 40-қа жуық абонент екі күннен бері газсыз отыр. Оғаy блоктық газ реттеу пунктіне конденсат түсуі себеп болған. 

Қала әкімдігі Кунай тұрғын үй алабының жылымық салдарынан газсыз қалғанын хабарлады.

- Жылымыққа байланысты Кунай тұрғын алабындағы орта қысымдағы газ құбырларынан конденсат аға бастады. Нәтижесінде газ басқару нүктелерінде ақау пайда болды. Газ беру уақытша тоқтатылды. Қалпына келтіру жұмыстары жүргізіліп жатыр, - деп хабарлады әкімдік.

Сондай-ақ департамент төтенше жағдайдың жоқтығын түсіндірді. Жұмыс жоспарға сай жүргізілуде.