Қостанайда жолаушылар мінген автобус өртенді
09:24, 03 Маусым 2017
АСТАНА. ҚазАқпарат - Қостанай облысында Астанаға бағыт алған қалааралық жолаушылар автобусы өртке оранды, деп хабарлайды «Наша газета».
Басылым таратқан мәліметтерге қарағанда, төтенше жағдай 2 шілде күні сағат 23.30-да Новонежинка кенті маңында болған. Оқиғадан жолаушылар мен жүргізушілер зардап шекпеген.
Автобус Лисаковск - Астана бағытымен жолға шыққан. Өрттің шығуына көліктегі қысқа тұйықталу себеп болуы мүмкін.