Қостанайдағы қазақ-түрік лицейіндегі уланудың себебі анықталды
Азық-түлікті зертханалық зерттеуден өткізу аурудың себебін анықтады. Ол алтын түстес стафилококк болып шықты. Оны асхана қызметкерлерінің бірі жұқтырғаны күмәнсіз. Қостанай облыстық тұтынушылар құқықтарын қорғау департаменті бастығының орынбасары Владимир Ничитайлоның айтуынша, ауруды жұқтырған адамның тұлғасы жақын уақытта анықталады.
Бұрын хабарланғандай, 25 желтоқсанның кешінде балалар ауруханасына тамақтан улану белгілерімен бірінен соң бірі лицей оқушылары, барлығы 16 бала жеткізілді. Алтын түсті стафилококпен бірге кейбір балаларда ауыз қуысының инфекциясы болды.
Лицей басшылығы балалардың улануының көзі олар жақында болған дәмханада немесе ата-аналарының білім мекемесінің жатақханасына әкелген азық-түлікте болуы мүмкін деп шамалайды.