АСТАНА. ҚазАқпарат - Новосібірден Анталияға бет алған «Пегасус» түрік әуе компаниясының Боинг-737 ұшағы апатты жағдайда Атырау әуежайына қонды, деп хабарлайды ҚазАқпарат Азаматтық авиация комитетіне сілтеме жасап.
Комитеттің хабарлауынша, түрік ұшағының қозғалтқышы істен шыққан.
«Бүгін сағат 10:03-те Новосібір-Анталия бағытындағы «Пегасус» түрік әуе компаниясының Боинг-737 әуе кемесінің қозғалтқышы істен шықты деген хабар келіп түсті. Экипаж Атырау қаласына апатты жағдайда қону туралы шешім қабылдаған. 10:20-да ұшақ жерге қонды. Бортта 190 жолаушы және 6 экипаж мүшесі болған», - деп хабарлады Азаматтық авиация комитеті.
Айжан Серікжанқызы
Айжан Серікжанқызы Қасым Л. Н. Гумилев атындағы Еуразия ұлттық университеті Журналистика және саясаттану факультетінің түлегі. Мамандық бойынша РФ Татарстанның Қазан қаласында, Польшаның Вроцлав қаласында тағылымдамадан өткен. 2017 жылдан бері ҚазАқпарат агенттігінде жұмыс істейді.