Баспасөз қызметінің хабарлауынша, қазақтың ұлы драматургы Ғ.Мүсіреповтың «Қозы Көрпеш - Баян Сұлу» мюзиклінің премьерасы Тәуелсіздік күніне және «Бәйтерек» тобының 10 жылдық мерейтойына орайластырылған.
Басты кейіпкерлерді «Бәйтерек» тобының қатысушылары сомдайды. Қарабай бейнесінде ҚР «Дарын» мемлекеттік жастар сыйлығының иегері Сайлау Камиев, Қодар бейнесін ҚР еңбек сіңірген қайраткері Ерлан Малаев, Жантық бейнесінде ҚР еңбек сіңірген қайраткері Нүркен Өтеуілов ойнайды.
Режиссердің айтуынша, шығарманың басты жаңалығы XIII-XIV ғасырда дүниеге келген туындыдағы қазақ халқының ұлттық болмысы, салт-дәстүрін бүгінгі қоғам мүшелеріне, жастарға сахна өнері арқылы ұсыну.