НҰР-СҰЛТАН. ҚазАқпарат - Бүгін футболдан Премьер-лига командалары арасында Қазақстан чемпионатының 19-турында елордалық «Астана» қарағандылық «Шахтерден» жеңіліп қалды, деп хабарлайды ҚазАқпарат тілшісі.
Бұл ойында қарағандылық команда 3:1 есебімен жеңіске жетті. Ойынның 7-минутында «Шахтер» сапынан Руслан Мингазов есеп ашты. Ал қарағандылық футболшы Сергей Зенев 24-минутта есепті үстемелей түсті. Қарағандылық Еркін Тапалов 69-минутта мергендігімен көзге түсті. «Астана» сапынан 90 минутта Дидар Жалмұқан есеп айырмасын қысқартты.
Бүгін аталған турдағы «Ордабасы» мен «Қайсар», «Жетісу» мен «Тараз» командалары кездесуде. Бірінші кезеңнен кейін «Ордабасы» мен «Қайсар» 0:0 есебімен тең ойнаса, «Тараз» «Жетісудан» 1:0 есебімен басым болды.
Сондай-ақ, бүгін «Қайрат» пен «Қызылжар», «Каспий» пен «Оқжетпес» командалары шеберлік байқасады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.