НҰР-СҰЛТАН. ҚазАқпарат - Қазақстанның кәсіпқой футбол лигасы Премьер-лига ойындарының қашан аяқталатынын жариялады , деп хабарлайды ҚазАқпарат тілшісі.
Алда Премьер-лига командалары арасындағы Қазақстан чемпионатының төрт туры қалды. Доп додасында 8-21 қараша аралығында ел құрамасының Ұлттар лигасы ойындарына қатысуына байланысты аздаған үзіліс болады.
Қазақстан чемпионатында 19-тур ойындары 21 қарашада жалғасады. Одан кейінгі турлардың ойыны 24, 27, 30 қараша күндері өткізіледі.
Кеше, 7 қарашада 18-тур басталып, «Қайсар» мен «Қайрат» командалары тең түсті . Бүгін тағы да үш кездесу өткізіледі.
Турнир кестесінде 45 ұпаймен «Қайрат» командасы көш бастап тұр. Одан кейінгі орындарда «Тобыл» және «Ордабасы» командалары келеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.