АСТАНА. KAZINFORM — Бүгін Қазақстан Премьер-лигасының кейінге қалдырылған 22-турында «Оқжетпес» пен «Қайрат» командалары кездеседі.
Кездесу қазақстандық уақытпен 16:00–де басталып, «Qazsport» телеарнасынан тікелей эфирде көрсетіледі.
Бұл турдағы өзге ойындар 23 және 24 тамыз күндері өтті. 23 тамызда Қостанайдың түркістандық «Тұранды», Семейдің «Елімайы» Петропавлдың «Қызылжарын» 2:0, елордалық «Жеңіс» «Астананы», «Ақтөбе» талдықорғандық «Жетісуды» 3:2, жезқазғандық «Ұлытау» Шымкенттің «Ордабасысын» 2:1 есебімен жеңсе, «Қайсар» (Қызылорда) мен «Атырау» 0:0 есебіне қанағат білдірді.
Қазір турнир кестесінде «Қайрат» 20 ойыннан кейін 43 ұпаймен үшінші орында келе жатса, 21 ойыннан кейін 32 ұпай жинаған «Оқжетпес» алтыншы орында тұр.
Сұрмергендер тізімінде «Астана» сапында Назми Грипши 11 голмен көш бастап келеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.