Екі команда да турнир кестесінде төменгі орындарда келеді. Сондықтан олар үшін бүгінгі ойында үш ұпай олжалау маңызды еді.
Кездесу барысында петропавлдық клуб сапынан Айбол Әбікен 9-минутта есеп ашса, Лиридон Латифи 71-минутта пенальтиден мүлт кеткен жоқ.
Осылайша, «Қызылжар» қарсыласынан 2:0 есебімен басым түсіп, турнир кестесінде 27 ұпаймен он бірінші орынға көтерілді.
Дәл қазір «Тобыл» (Қостанай) — «Астана», «Елімай» (Семей)- «Ақтөбе», «Қайрат» (Алматы) — «Жетісу» (Талдықорған) өтіп жатыр.
Сондай-ақ 19:00–де «Жеңіс» (Астана) — «Атырау» жасыл алаңға шығады.
Ал 11 қазан 15:00–де «Ұлытау» (Жезқазған) — «Оқжетпес» (Көкшетау), 16:00–де «Каспий» (Ақтау) — «Алтай» (Өскемен), 19:00–де «Қайсар» (Қызылорда) — «Ордабасы» (Шымкент) ойнайды.
Футболдан Қазақстан чемпионатының соңғы туры 31 қазан күні өткізіледі.
Еске салайық, футзалдан Қазақстан құрамасының 2028 жылғы әлем чемпионаты негізгі іріктеу кезеңіне қатысатын құрамы жарияланды.