АСТАНА. KAZINFORM - Бүгін футболдан Премьер-лига командалары арасындағы Қазақстан чемпионатының екінші турында көкшетаулық «Оқжетпес» клубы «Атыраудан» басым түсті.
Кездесу барысында көкшетаулық команда бірден шабуылға көшті. Қарсылас ұжым қақпасы алдында жиі бой көрсетті. Осындай сәттің бірінде қақпадан саңылау тауып кетті. Оны 6-минутта Дәурен Жұмат өзінің еншісіне жазды.
Екінші кезеңде Дамир Марат 52-минутта «Оқжетпестің» басымдығын арттыра түсті.
Ойынның 82-минутында атыраулық клубтан Барбоса есеп айырмасын қысқартты.
Аталған турда дәл қазір «Жеңіс» пен «Тобыл», «Жетісу» мен «Ұлытау» командалары кездесіп жатыр. Бірінші кезеңнен кейін есеп - 0:0.
Бұл турдағы алғашқы ойын күнін сағат 18:00-ге «Қайрат» (Алматы) пен «Ордабасы» (Шымкент) командалары түйіндейді.
Сондай-ақ 9 наурызда «Ақтөбе» мен «Тұран» (Түркістан), «Елімай» (Семей) мен «Қайсар» (Қызылорда), «Қызылжар» (Астана) мен «Астана» шеберлік байқасады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.