ҚПЛ: «Ордабасы» өз алаңында «Тобылдан» ұпай олжалай ала ма

АСТАНА. KAZINFORM - Бүгін футболдан Қазақстан Премьер-лигасының ХХІ турында тағы 4 ойын өтеді. 

20:00-де «Ордабасы» (Шымкент) мен «Тобыл» (Қостанай), «Жетісу» (Талдықорған) мен «Атырау», «Ақтөбе» мен «Оқжетпес» (Көкшетау), «Астана» мен «Ұлытау» (Жезқазған) кім мықтыны анықтайды.

Бұған дейін 16 тамызда Түркістанның «Тұраны» өз алаңында Қызылорданың «Қайсарын» 1:0 есебімен жеңсе, алматылық «Қайрат» өз алаңында Семейдің «Елімайына» 2:3 есебімен жол берді.

Ал «Қызылжар» (Петропавл) мен «Жеңіс» (Астана) кездесуінде 1:1 есебі тіркелді.

Қазір турнирлік кестеде 43 ұпаймен «Қайрат» командаcы бірінші орында тұр. Одан кейінгі орындардағы «Астананың» 40, «Тобылдың» 38 ұпайы бар.

Сұрмергендер көшінде Дәурен Жұмат («Оқжетпес») 10 голмен жеке-дара көш бастап келеді. Назми Грипши («Астана») 9 голмен екінші орында, одан кейінгі орындардағы Дастан Сәтпаев («Қайрат») пен Марин Томасов («Астана») 8 гол соғып үлгерген.