АСТАНА. KAZINFORM - Футболдан Қазақстан Премьер-лигасының жетінші туры мәресіне жетті. Бұл турдағы соңғы ойында «Шахтер» мен «Қайсар» командалары кездесті.
Екі команда биылғы біріншілікті сәтсіз бастады. Салдарынан турнир кестесінде көш соңында келеді. Сондықтан әрбір ойында командалар жағдайын жақсартуға күш салатыны анық болатын.
Кездесу барысында қарсыластар бір-бірінің қақпасына жиі шабуылдады. Дегенмен бірінші кезеңде таблодағы есепке өзгеріс енген жоқ.
Екінші кезеңде де командалар өздерінің көптеген мүмкіндігін мүлт жіберіп алды.
Командалар 0:0 есебіне қанағат білдірді.
Бұл турдағы басты кездесу «Ақтөбе» мен «Астана» ойынында 1:1 есебі тіркелсе, «Қайрат» «Атырауды», «Тобыл» «Жетісуды», «Тобылы» «Жетісуды», «Тұран» «Қызылжарды» 1:0, «Елімай» «Жеңісті» 2:1 есебімен жеңді.
Енді сегізінші тур ойындары 11 және 12 мамыр күндері өткізіледі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.