ОРАЛ. ҚазАқпарат - БҚО мамандандырылған ауданаралық экономикалық соты «Капиталнефтегаз» РМК-ның «Қарашығанақ Петролиум Оперейтинг б.в.» компаниясынан 10,4 млн. астам теңгені өндіру туралы талап-арызын қанағаттандырды, деп хабарлайды «ҚазАқпарат» ХАА тілшісі.
БҚО сотының баспасөз қызметінен түскен мәліметке қарағанда, аталмыш мемлекеттік мекеме «ҚПО б.в.» компаниясы балансында тұрған мемлекеттік мүлікті түгендеген кезде 16 нысан бойынша жетпестікті анықтады. Талапкер дәлел ретінде жетіспейтін 16 нысан бойынша актив құнының қалдығы жөніндегі анықтаманы ұсынды.
ҚР Азаматтық кодексінің талаптарын басшылыққа алған сот «ҚПО б.в.» компаниясынан республикалық бюджет есебіне 10,4 млн. астам теңгені өндірді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).