Қазақстанның қалған бөлігінде антициклон ықпалымен жауын-шашынсыз ауа райы күтіледі, деп хабарлайды ТЖМ-нің баспасөз қызметінен Қазгидрометке сілтеме жасай отырып.
Алматы, Жамбыл, Батыс Қазақстан, Қарағанды, Шығыс Қазақстан облыстарында, күндіз Қызылорда, Ақтөбе, Қостанай облыстарының бірқатар аймақтарында жел жылдамдығы 15-20 м/с дейін күшейеді, Жамбыл, Қостанай, Қарағанды, Шығыс Қазақстан облыстарының жекелеген аудандарында тұман түсіп, көктайғақ болады. Түнде Ақмола, Павлодар облыстарында жел 15-20 м/с дейін жылдамдықпен соғады, кейбір жерлерде бұрқасын болады.
Алдағы тәулікте республиканың оңтүстік, оңтүстік-шығыс және шығысында су деңгейінің ауытқуы күтіледі, Арыс өзенінде су деңгейінің одан әрі көтерілуі байқалады. Қазақстанның су нысандарының басым бөлігінде су бетінің салқындауы байқалады; солтүстік, орталық және шығыс облыстардың жекелеген өзендерінің бетінде мұз пайда болады.