Аталған ведомствоның мәліметінше, Бақытжан Сағынтаев соңғы уақытта қазақстандық компаниялар Оңтүстік Африка нарығында белсенді қатысып отырғандығын, дегенмен қазақстандық-оңтүстік африкалық сауда-экономикалық ынтымақтастықтың қазіргі деңгейі қосымша серпінді қажет ететінін атап өтті.
Тараптар екі жақтың сауда-экономикалық ынтымақтастық мәселелерін талқылады, сондай-ақ қазақстандық-оңтүстік африкалық ынтымақтастықтың тереңдеп және одан әрі кеңеюіне тұғыр болуына септігін тигізетін алдағы уақытта жоспарланған ҚР Президенті Н. Назарбаевтың ОАР-ға сапарына қатысты пікір алмасты.
Кездесу қорытындысында министр оңтүстікафрикалық тарапты Қазақстанның халықаралық бастамаларын, соның ішінде Астана қаласында «Ехро 2017» халықаралық көрмесін өткізу сияқты бастамасына қолдау көрсеткендері үшін алғысын білдірді.