Комиссия мүшелері биылғы Мемлекеттік сыйлықтарды алуға ұсынылған 13 жұмысты, мемлекеттік ғылыми-техникалық сараптаманың нәтижелерін қарады. Сондай-ақ медицина және денсаулық сақтау, инжиниринг және технология, әлеуметтік-гуманитарлық ғылымдар, ауыл шаруашылық ғылымдары секциялары бойынша жасалған сараптамалық-талдамалық ұсыныстармен танысты.
Жиын қорытындысы бойынша 2023 жылғы Қазақстан Республикасының әл-Фараби атындағы ғылым мен техника және Ахмет Байтұрсынұлы атындағы гуманитарлық ғылымдар саласындағы мемлекеттік сыйлықтарын алуға ұсынылған, алдын ала іріктеуден өткен жұмыстардың тізімі бекітілді.
Комиссия шешімімен іріктеудің екінші кезеңіне 8 жұмыс жіберілді.
Келесі кезеңге өткен жұмыстар бұқаралық ақпарат құралдарында жарияланады.