Ішкі істер министрі Алматы қаласы мен Алматы облысы бойынша Ішкі істер департаменттерінің, Көліктегі Оңтүстік-Шығыс ІІД-нің басшылық құрамымен және Алматы гарнизоны Ішкі әскерлер құрылымдарының қолбасшылығымен кездесті.
Еске сала кетейік, тамыздың өткен 4-і күні ҚР Президенті Н.Назарбаев еліміздің құқық қорғау органдарының басшыларымен кеңес өткізіп, Қазақстан аумағында ұйымдасқан қылмысқа қарсы, есірткі бизнесі мен қарудың заңсыз айналымына қарсы күрестерді күшейту, көшелер мен басқа да қоғамдық орындардағы құқық бұзушылықтардың алдын алу, сондай-ақ жол қозғалысы қауіпсіздігін қамтамасыз ету, ішкі істер органдарында азаматтардың арыздарын қарастыру кезінде заңдылықты сақтау мәселелеріне баса назар аударуды тапсырған болатын.