17:02, 20 Қыркүйек 2010

ҚР Мемлекеттік хатшысы-сыртқы істер министрі, ЕҚЫҰ-ның іс басындағы төрағасы Қанат Саудабаев бастаған делегация Нью-Йоркте өтіп жатқан БҰҰ Бас ассамблеясының 65-ші сессиясына қатысуда

А. Қыркүйектің 20-сы. ҚазАқпарат /Марлан Жиембай/ - Қыркүйектің 20-25-і аралығында ҚР Мемлекеттік хатшысы - сыртқы істер министрі, ЕҚЫҰ-ның іс басындағы төрағасы Қанат Саудабаев бастаған делегация Нью-Йоркте өтіп жатқан БҰҰ Бас ассамблеясының 65-ші сессиясына қатысуда. Бұл туралы бүгін елордада өткен баспасөз мәслихаты барысында ҚР СІМ ресми өкілі Асқар Әбдірахманов мәлім етті.

Оның атап өтуінше, еліміздің сыртқы саясат ведомствосының басшысы Бас ассамблеяның жалпы пікір таласында, БҰҰ-ның 1000 жылдық даму мақсаттарына арналған саммитінде аталған ұйымның Қарусыздану конференциясы жөніндегі жоғары деңгейлі кеңесінде, ядролық сынақтарға жаппай тыйым салу шартына қатысты министрлер бас қосуында, Ислам конференциясы ұйымы мен ҰҚШҰ мүше мемлекеттердің сыртқы істер министрлерінің үйлестіруші кездесулерінде сөз сөйлемек.

«Сонымен қатар Қ. Саудабаевтың бірқатар мемлекеттердің сыртқы істер министрлерімен және халықаралық ұйымдардың жетекшілерімен екіжақты кездесулері жоспарланған», деді А. Әбдірахманов.

Халықаралық ұйымдар Ықпалдастық Қазақстанның халықаралық қызметі. Сыртқы саясат

Марлан Жиембай

Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.