Жаңа жылдық бағдарлама барысында ертегі кейіпкерлерімен театрландырылған қойылым көрсетіліп, байқаулар мен викториналар өткізіледі. Шараға қатысушылар Оқушылар сарайын аралайды (планетарий, интерактивті паркті және т.б. тамашалайды), түрлі ойын-сауық шараларына қатысып, мерекелік дастарханнан дәм татады.
Шыршаға келген әрбір балаға ҚР Президентінің атынан сыйлықтар беріледі. Астана қаласы Білім басқармасының хабарлауынша, жаңа жылдық шыршаға 9-13 жастағы 200 бала шақырылды. Соның ішінде, 117 жетім, қалған балалар көп балалы және тұрмысы төмен отбасылардан шыққан.