23:03, 15 Ақпан 2020

ҚР Президентінің Мюнхен конференциясында сөйлеген сөзі тікелей эфирден көрсетіледі

МЮНХЕН. ҚазАқпарат – Мемлекет басшысы Қасым-Жомарт Тоқаев Қауіпсіздік жөніндегі 56-шы Мюнхен конференциясының аясында «Географиялық орналасудың маңызы: Орталық Азия туралы әңгіме» тақырыбында сөз сөйлейді. Бұл туралы ҚР Президентінің баспасөз хатшысы Берік Уәли facebook парақшасында жазды, деп хабарлайды ҚазАқпарат.

«Тікелей эфир Нұр-Сұлтан уақытымен сағат 23:15-те басталады. Президенттің сөйлеген сөзін осы сілтеме арқылы көруге болады», - деді Берік Уәли.

Бұдан бұрын хабарланғандай, 14 ақпан күні Мемлекет басшысы Қасым-Жомарт Тоқаев Германияның Мюнхен қаласына жұмыс сапарымен келді.

Қасым-Жомарт Тоқаев Германиядағы Мюнхен қауіпсіздік конференциясына қатысты.

Сонымен қатар, ҚР Президенті Мюнхенде Германияның үздік компанияларының мүмкіндіктерімен танысты. Мұнымен қоса, Мюнхен қаласында Қазақстан Президенті Қасым-Жомарт Тоқаев «BayWa AG» компаниясының басқарма төрағасы Клаус Лутцпен кездесті.

Басты жаңалық Еуропа Орталық Азия Қазақстан Президенті Қазақстанның сыртқы саясаты

Руслан Ғаббасов

Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.