АСТАНА. Мамырдың 13-і. ҚазАқпарат - Мамырдың 14-15-і күндері ҚР Тұңғыш Президенті қорының ұйымдастыруымен «Жастар ғылымда - 2010» халықаралық форумы өтеді. Оған еліміздің танымал ғалымдары, ҚР Парламентінің өкілдері, жас ғалымдар, Алматы, Астана қалаларының, сонымен қатар өңірлердің жоғары оқу орындарының магистранттары қатысады.
Бұл туралы аталған форумды ұйымдастыру комитетінен хабарлады.
Форум барысында Халықаралық бизнес университеті «Жастар ғылымда: инновациялық үдерістердегі көшбасшылық перспективалары» атты халықаралық ғылыми-тәжірибелік конференция өткізеді. Онда жас ғалымдар қазіргі заманғы қоғамдық-саяси үдерістер контексінде бизнес көшбасшыларды, ғылыми-педагогикалық кадрларды құру және дамыту жолдарын талқыға салмақ.
Модератор және шеберлік сабақтарын жүргізуші ретінде шет елдік жоғары оқу орындарының жас ғалымдары шақырылған.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.