Оның атап өтуінше, 22 желтоқсандағы жағдай бойынша республикадағы 705 түнгі клуб, мейрамхана тексеріліп, алты мыңнан астам заң бұзушылық анықталса, оның 2000-нан астамы тексеру барысында жойылған.
«Ереже бұзғаны үшін әкімшілік жауапкершілікке 520 лауазымды тұлға тартылды. Сондай-ақ пайдалану ережесін өрескел бұзып жұмыс істеп тұрған нысандардың әрекетін тоқтату мақсатында сотқа 93 талап арыз жіберіліп, оның 55-ін сот тарапы қанағаттандырды», - деді ол.
Оның атап өтуінше, өрт қауіпсіздігі ережесін бұзған нысандардың қызметін тоқтату немесе ескерту жасау нәтижелі амалдардың бірі болып отыр. Мәселен, сот араласқан кезеңде 10 нысан заң бұзушылықтарды толығымен жойған. Яғни, өрт сөндіру қызметінің талаптары толық көлемде орындалған.