Салықтық әкімшілендірудің кейбір мәселелері туралы
Қазақстан Республикасы Үкіметінің қаулысы
2011 жылғы 31 қазан №1247 Астана, Үкімет Үйі
«Салық және бюджетке төленетін басқа да міндетті төлемдер туралы» Қазақстан Республикасының 2008 жылғы 10 желтоксандағы Кодексінің (Салық кодексі) 431-бабының 2-тармағына, 569-бабының 2-тармағына, 571-бабының 4-тармағына, 576-бабының 4-тармағына, 646-бабының 9-тармағына, 650-бабының 5-тармағына сәйкес Қазақстан Республикасының Үкіметі қаулы етеді:
1. Қоса беріліп отырған:
1) патент беруден бас тарту туралы шешімнің нысаны;
2) қосылған құн салығы бойынша тіркеу есебіне қоюдан бас тарту туралы шешімнің нысаны;
3) қосылған құн салығы бойынша тіркеу есебінен шығару туралы шешімнің нысаны;
4) жекелеген қызмет түрлерін жүзеге асыратын салық төлеушіні тіркеу есебінен шығару туралы шешімнің нысаны;
5) бақылау-касса машинасын тіркеу карточкасының нысаны;
6) бақылау-касса машинасы пломбасының бүтіндігін бұзуға салық органы рұқсатының нысаны бекітілсін.
2. Осы қаулы 2012 жылғы 1 қаңтардан бастап қолданысқа енгізіледі және ресми жариялануға тиіс.
Қазақстан Республикасының Премьер-Министрі К.МӘСІМОВ.
Құжаттар нысандарының үлгілері республикалық БАҚ-тарда жарияланды.