ҚР Үкіметі жанындағы Дағдарысқа қарсы күрес кеңесінің отырысы болып өтті

АСТАНА. Мамырдың 8-і. ҚазАқпарат – Бүгін Үкімет үйінде ҚР Премьер-Министрі Кәрім Мәсімовтің төрағалығымен ҚР Үкіметі жанындағы Дағдарысқа қарсы күрес кеңесінің кезекті отырысы болып өтті,

деп хабарлайды ҚазАқпарат ҚР Үкіметінің баспасөз қызметіне сілтеме жасап.Отырыс барысында экономиканы тұрақтандыру бойынша іс-шараларды іске асыруға байланысты бірқатар мәселелер талқыланды. Кеңестің қатысушылары тәуекелдерді басқару жүйесін енгізу арқылы мемлекеттік органдардың бақылау-қадағалау қызметтерін реттеуге бағытталған іс-шараларды, сондай-ақ кәсіпкерлікті құқықтық реттеуді жетілдіру, жерді пайдалану туралы заңнамаларды іс жүзінде қолдану мәселелерін, шағын және орта бизнесті дамыту жолындағы әкімшілік кедергілерді жоюдың басқа да бағыттарын талқылады.Сонымен қатар, ҚР Премьер-Министрінің бастамасымен кеңес мүшелері Қазақстан экономикасын әртараптандырудың және дағдарыстан кейінгі дамудың бағыттары мен нақтылы тетіктері бойынша өз ұсыныстарын енгізеді.