АСТАНА. ҚазАқпарат – Криштиану Роналду саудиялық «Аль-Наср» клубы құрамында ресми матчтардағы алғашқы голын соқты, деп хабарлайды ҚазАқпарат тілшісі.
Португалиялық шабуылшы Сауд Арабиясы чемпионатының 15-турында сырт алаңда «Аль-Фатех» клубымен өткен матчта 93-минутта пенальтиді дәл орындады.
Бұл матч 2:2 есебімен тең аяқталды. Осылайша, Криштиану командасын жеңілістен сақтап қалды.
Бұл Роналдудың «Аль-Наср» құрамындағы ресми ойындардағы бірінші голы еді. Бұған дейінгі екі ресми бәсекеде оның қанжығасы майланбаған еді.
«Аль-Наср» клубы 34 ұпаймен турнир кестесінде көш бастап келеді.
Еске сала кетейік, бұдан бұрын Криштиану Роналдудың жалақысының басым бөлігі Сауд Арабиясының бюджетінен төленетінін жазған болатынбыз.
Фото: Getty Images
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).