АСТАНА. ҚазАқпарат – Португалия шабуылшысы Криштиану Роналду тарихта бірінші болып ұлттық құраманың ресми матчтарында 100 гол соқты, деп хабарлайды ҚазАқпарат тілшісі.
2024 жылғы Еуропа чемпионаты іріктеу кезеңінің 1-турында Португалия - Лихтенштейн ойынында К. Роналду қос голдың авторы атанды.
Роналду 53-минутта, алдымен 11 метрлік айып добын дәл орындады. Содан кейін 63-минутта есепті 4:0-ге жеткізді.
Осылайша, К. Роналду ұлттық құраманың ресми бәсекелерінде соққан гол санын 100-ге жеткізді.
Еске сала кетейік, бұдан бұрын Криштиану Роналдудың ұлттық құрама сапында әлемдік рекордты жаңартқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).