АСТАНА. ҚазАқпарат - Жеңіл атлетикадан қазақстандық Кристина Овчинникова биіктікке секіруден Азия чемпионы атанды, деп хабарлайды ҚазАқпарат тілшісі.
Таиландтың Бангкок қаласында өтіп жатқан құрлықтық додада Кристина Овчинникова жеңімпаз тұғырына көтерілді.
Көрсеткіші - 186 сантиметр.
Екінші орынға тағы бір қазақстандық Елизавета Матвеева ие болды. Ол 186 сантиметрді бағындырғанымен оған дейін бірнеше мүмкіндігін пайдаланды.
Үшінші орынға 183 сантиметр көрсеткішпен өзбекстандық Светлана Радзивил жайғасты.
Қазақстандық спортшылар осылайша құрлықтық додада үшінші мәрте жүлдегерлер қатарынан көрінді.
Қазірге дейін Шедрак Коеч Кимутай 10000 метрге жүгіруде мәрсе сызығын екінші болып қиды.
Еске салсақ, бұдан бұрын Азия чемпионатында грек-рим күресінен қазақстандық балуандар 8 медаль алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.