Қайғылы хабарды Мәскеу үлкен циркінің директоры Эдгард Запашный жеткізді. «Олег Попов дүниеден озды. Мұны маған жана ғана «Ресей мемлекеттік циркінің» бас директоры Дмитрий Иванов хабарласып айтты», - деп келтірді Запашныйдың сөзін «КП».
Олег Константинович Попов 1930 жылы 31 шілдеде дүниеге келді. 1951 жылы Саратов циркінде алғашқы рет аренаға шықты. Әртіс «Жайдарлы сайқымазақшы» - еш уақытта мойымайтын адамның образын жасады. Попов Кеңес циркінің Батыс Еуропаға алғашқы гастрольдеріне қатысты. Осы сапарлар оған әлемдік танымалдылық алып келді.