«Компаниямыз контейнерлік тасымалды жүзеге асырады және біз 2011 жылдан бастап тұрақты өсімнің бар екендігін көріп отырмыз. Егер 2016 жылғы көрсеткіштерді 2011 жылмен салыстырар болсақ, Қытай-Еуропа-Қытай транзиттік бағдары бойынша контейнерлік тасымал көлемі 100 есе өскен. Біздің болжамымызша 2020 жылға қарай 20 футтық эквивалентте контейнерлер тасымалының көлемі шамамен 2 миллионға жетеді. Толықтай алғанда қазіргі уақытта біз контейнерлік тасымалдың тұрақты әрі өте жылдам өсіп келе жатқанын көріп отырмыз», - деді ол.
Оның айтуынша, Еуразиялық құрлықтағы контейнер тасымалының негізгі бағдары Қытай-Еуропа-Қытай бағдары болып отыр. Бұл ретте өткен жылы компания барлық бағыттар бойынша 250 мың, ал Қытай-Еуропа-Қытай бағытында 104 мың контейнер тасымалдаған.
«Тасымалдың мұндай көлемін жүзеге асыру үшін тұрақты айналымда 4-5 мың мың темір жол платформасы болуы қажет. «ҚДБ Лизинг» АҚ қаржыландыруымен машина жасау саласындағы интегратор компания құру жобасы аясында «ҚТЖ Экспресс» 80 футтық 1 102 платформа алады. Аталған платформалар өте ыңғайлы. Онымен екі 40 футтық контейнерді тасымалдауға болады», - деді Дияс Ысқақ.