ОРАЛ. KAZINFORM — Қуаныш Қарақұлов «Ақжайық» футбол командасының бас бапкері болып тағайындалды.
«Ақжайық» футбол клубының баспасөз қызметінен мәлім еткеніндей, Қуаныш Қарақұлов ойыншы ретінде «Жігер», «Ордабасы», «Оқжетпес», «Атырау» сияқты командаларда доп тепті.
Бапкер ретінде «Мақтаарал», «Академия Оңтүстік» секілді командаларды жаттықтырды.
«Ақжайық» биыл да бірінші лигада өнер көрсетеді. Өткен маусымда төртінші орыннан көрініп, премьер-лигаға шыға алмаған еді.
Еске сала кетейік, бұдан бұрын «Ақжайықтың» тұйықтан неге шыға алмай келе жатқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).