Қуат Хамитов салмағын арттырып жібергені үшін ескерту алды

АСТАНА. ҚазАқпарат - ММА ұйымында өнер көрсетіп жүрген қазақстандық Қуат «Найман» Хамитов қарсыласынан ауыр болып шықты, деп хабарлайды ҚазАқпарат тілшісі.

Бүгін отандасымыз Хамитов жеңіл салмақ бойынша әлем чемпионы атағы үшін жекпе-жекке шығады. Айқас Ресейдің Владивосток қаласында өтеді. FIGHT NIGHTS GLOBAL 63 аясындағы турнир Астана уақыты бойынша сағат 15:00-де басталады. Қарсыласы - жергілікті спортшы - Магомедсайгид Алибеков.

Салмақ өлшеу рәсімінде Хамитов қарсыласынан ауыр болып шықты.  Салмағы - 71,7 келі. Ал қарсыласының салмағы - 70,7 келі.

Енді ереже бойынша Хамитов салмағын арттырып жібергені үшін жекпе-жегін ресми ескертуден бастайды. Бұл төрешілер кестесіндегі бір ұпайы шегерілетінін білдіреді.