Андерсон үш сетте жарыстың жетінші ракеткасы қазақстандық Михаил Кукушкиннен басым түсті, есеп 6:7 (3:7), 6:4, 6:2.
Матч 2 сағат 30 минутқа созылды. Андерсон 24 сәтті доп берді, 7 рет қате жіберді және 12 брейк-пойнттың 4-уін сәтті іске асырды. Кукушкиннің есебінде 4 эйс, доп бергенде 4 қателік және 1 брейк бар.
Еске сала кетсек, кеше Михаил Кукушкин осы турнирінің екінші айналымында серб спортшысы Ласло Дьерені жеңді. Текетіреске толы матчта қазақстандық екі сетте де басым түсті, есеп - 7:5, 7:6.