Кукушкин Дэвис Кубогының матчында Қазақстанды алға шығарды

АСТАНА. ҚазАқпарат - Астанада теннистен Дэвис Кубогының Азия/Мұхит аймағы I тобында ойнайтын Қазақстан мен Қытай құрамаларының арасында матчы өтіп жатыр.

Алғашқы ойында кортқа Михаил Кукушкин мен У Ди шықты. Бірінші партия 6:2 есебімен қазақстандықтың пайдасына шешілсе, екінші сетте 6:3 есебімен қытайлық теннисшінің мерейі үстем болды. Матчтың қалған бөлігінде жинақылық танытқан Кукушкин соңғы екі партияда 6:3, 6:2 есебімен қарсыласынан басым түсті.  Қарсыластар кортта 2 сағат 20 минут бойы ойнады.

Келесі ойында Дмитрий Попко мен Чжан Цзэ бақ сынасады.