— Айыптау материалдарына сәйкес, 2024 жылдың қазан айында ол шаруа қожалығына тиесілі, құны 28,5 млн теңге болатын 352,56 тонна бидайды алған. Кейін астыққа қатысты құжаттар «Эклипс Агро» ЖШС атына қайта рәсімделіп, бидай меншік иесінің келісімінсіз үшінші тұлғаларға сатылған.
Бұдан бөлек, айыптау нұсқасы бойынша, компания үш тасымалдаушыға көрсетілген көлік қызметтері үшін жалпы сомасы 11,1 млн теңгені төлемеген, — делінген хабарламада.
Қорғау тарапы тараптар арасында бірлескен шаруашылық қызмет болғанын алға тартты. Алайда прокурор бірлескен қызмет туралы шарттың, сондай-ақ бөтен астыққа билік ету құқығын растайтын құжаттардың жоқ екенін атап өтті.
Мемлекеттік айыптаушы сотталушыны 8 жылға бас бостандығынан айыруды сұрады. Сот оны кінәлі деп танып, 6 жылға бас бостандығынан айыру жазасын тағайындады. Сонымен қатар, сотталушы 6 жыл мерзімге белгілі бір лауазымдарды атқару құқығынан айырылды.
Үкім заңды күшіне енген жоқ.
Айта кетелік Қостанай облысында шекарадан 10,6 млн теңгенің темекісі тәркіленген еді.