Сарапшылардың қолжазбаны зерттеу жұмыстарына жылға жуық уақыт кеткен. Қолжазбадағы шүберек парақтарға қасиетті мәтін қызыл қоңыр түсті сиямен жазылған. Оның кейбір беттері жиі парақталғаннан, жыртылудың аз-ақ алдында тұр.
Құнды жәдігердің «жасын» анықтаған өнертанушы Николай Бендюктің айтуынша, бұл еңбектің жазылуы 18-ші ғасырдың соңы мен 19-шы ғасырдың бас кезіне тиесілі.
Ал, шығыстанушы Михаил Якубович мұндай жәдігердің Батыс Украинада тұңғыш рет табылғанын айтады. Қасиетті Құран қолжазбасының құны ондаған мың гривенге шарықтап тұрған көрінеді қазір. Қолжазбаның беттері түгел: 114 сүре толық қамтылған.