деп хабарлады «Ислам мәдениеті мен білімін қолдау қоры».
ҚР Президентінің бастамасымен 2010 жылы құрылып, жұмыс атқарып келе жатқан «Ислам мәдениеті мен білімін қолдау қоры» Қазақстан үшін дәстүрлі исламның ханафи мазхабын түсіндіріп тарату бойынша белсенді жұмыстар атқаруда. Қор өзі жұмысының алғашқы жылында-ақ, 26 аталыммен 1 млн. 98 мың дана кітап пен кітапшаларды жарыққа шығарды. Шығарылған барлық кітап Қазақстан мұсылмандары діни басқармасына жіберіліп, мешіттер арқылы бүкіл республика аумағына таратылды, сонымен қатар мемлекеттік мекемелерге өз жұмыстарында пайдалану үшін жіберілді.
Осындай үрдісті дәстүрге айналдырып, Қазақстан мұсылмандары арасында дәстүрлі ислам діні туралы жазылған әдебиеттерді тұрақты түрде таратып келе жатқан «Ислам мәдениеті мен білімін қолдау қоры» бүгін де Астана қаласындағы «Нұр-Астана» мешітінің намазхандарына қор тарапынан шығарылған соңғы әдебиеттерінен мұсылмандардың ұлық мерекесі - Құрбан айтқа байланысты тағы да тегін таратуда.