Хорватия астанасы Загреб қаласында 10-14 қаңтар күндері өтетін күрес түрлерінен халықаралық турнирге қатысатын қазақстандық балуандар белгілі болды, деп хабарлайды Kazinform.
Аталмыш турнир грек-рим, еркін күрес және әйелдер күресінен өтеді.
Спорттық бәсеке қазақстандық балуандар үшін күрес түрлерінен 2024 жылдағы алғашқы турнир болмақ.
Турнир барысында еркін күрестен Азамат Дәулетбеков (86 келі) ел намысын қорғайды.
Азамат 1994 жылы дүниеге келген. 2022, 2023 жылдарда әлем чемпионатында қола алған. Ал Азия чемпионатында 2022, 2023 жылдардары жеңіс тұғырына көтерілсе, 2017 жылы күміс, 2018 жылы қола жүлдегер атанды.
Ал әйелдер күресінен Ирина Казюлина (65 келі), Елена Шалыгина (68 келі) және Эльмира Сыздықова (76 келі) боз кілемге шығады.
Еске салсақ, бұдан бұрын халықаралық турнирге қатысатын қазақстандық боксшылар анықталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.