НҰР-СҰЛТАН. ҚазАқпарат – Елорда төрінде күрес түрлерінен өтіп жатқан лицензиялық әлем чемпионатында еркін күрестен қазақстандық балуан Дәулет Ниязбеков күміс жүлдегер атанды, деп хабарлайды ҚазАқпарат тілшісі.
65 келіге дейінгі салмақта ел намысын қорғаған Ниязбеков бүгін финалда Ресей балуаны Гаджымурат Рашидовтан жеңіліп қалды. Рашидов жерлесімізді 11:0 есебімен ұтып, таза жеңіске қол жеткізді. Осылайша, бүгінде 20 жыл күткен сап «алтын» қазақ балуандарына ұстатпай кетті. Алайда, Дәулет жеңіс тұғырының ең биік сатысынан көріне алмаса да, қоржынында Токио 2020 Олимпиадасының жолдамасы мен күміс жүлдесі бар.
Енді ертең тағы бір балуанымыздың жолына үмітпен қараймыз. Бүгін еркін күрестен 70 келі салмақ дәрежесінде отандасымыз Нұрғожа Қайпанов финалға шыққан болатын.
Фото: olympic.kz
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.