НҰР-СҰЛТАН. ҚазАқпарат - Сербия астанасы Белград қаласында өтіп жатқан күрес түрлерінен әлем чемпионатында бүгін, 17 қыркүйекте еркін күрестен үш балуан бозкілемге шығады, деп хабарлайды ҚазАқпарат тілшісі.
Дүбірлі додада бүгін қазақстандық жанкүйерлер еліміздің құрамасынан үш балуанның белдесуін тамашалай алады. Олардың қатарында Асыл Айтақын (61 келі), Әділ Оспанов (65 келі) және Мамед Ибрагимов (97 келі) бар.
Жарыстың аталған сатысындағы сайыстар елорда уақытымен 14:30-де басталады.
Айта кетсек, еркін күрестен 86 келі салмақта Азамат Дәулетбеков қола жүлде алды.
Еске салсақ, бұдан бұрын әйелдер күресінен Жәмила Бақбергенова күміс жүлде алды.
Сондай-ақ грек-рим күресінен Айдос Сұлтанғали қола жүлдегер атанды.
Фото: olympic.kz
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.