НҰР-СҰЛТАН. ҚазАқпарат - Делиде (Үндістан) күрес түрлерінен өтіп жатқан Азия чемпионатында қазақстандық балуан күміс медаль жеңіп алды, деп хабарлайды ҚазАқпарат тілшісі.
Грек-рим күресі бойынша 72 келіде кілемге шыққан қазақстандық балуан Ибрагим Магомадов финалда ирандық Амин Явар Кавянинежадамен белдесіп, өкінішке қарай қарсыласына 8:0 есебімен жол берді.
Айта кетелік, осыған дейін аталған «Сарықұрлық» додасынан грек-рим күресінің шеберлері 1 алтын, үш қола медаль жеңіп алған болатын.
Нақтырақ айта кетсек, Тамерлан Шадукаев (77 келі) чемпион атанса, Хорлан Жақанша (55 келі), Азамат Күстібаев (87 келі) және Мансұр Шадукаевтар (130 келі) ел қоржынына қола медаль салған болатын.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.