Құрлықаралық кубок: «Арлан» хоккейшілері Ирландияға аттанды

КӨКШЕТАУ. ҚазАқпарат - Көкшетаудың «Арлан» ХК Ирландияда өтетін Құрлықаралық кубоктің финалдық ойнына аттанды, деп хабарлайды ҚазАқпарат тілшісі Клубтың баспасөз қызметіне сілтеме жасап.

«8 қаңтарда сағат 08:00- де «Арлан» ХК 2018-2019 жылғы Құрлықаралық кубоктің финалдық ойнына қатысу үшін Ирландияның Белфаст қаласына атанды. Команда Көкшетау - Астана - Лондон - Белфаст бағыты бойынша 6450 шақырым қашықтықты артқа тастайды», - делінген баспасөз хабарламасында.

Еске сала кетейік, өткен жылдың қараша айында «арландар» Францияның Лион қаласында өткен Құрлықаралық кубогтің жартылай финалында үш ойын өткізіп, оның барлығында жеңіске жетті және финалдық кезеңге шыққан еді.

Бұл турнирдің финалында «Арлан» хоккейшілері Ирландияның «Белфаст Джайантс», Польшаның «Катовице» және Беларусьтің «Гомель» командаларымен кездеседі.