НҰР-СҰЛТАН. ҚазАқпарат - «Барыс» бүгін Құрлықтық хоккей лигасындағы кезекті ойынын сырт айдында Ресейдің «Металлург» (Магнитогорск) командасымен өткізеді, деп хабарлайды ҚазАқпарат тілшісі.
Кездесу елорда уақытымен 20:00-де басталып, «Qazsport» телеарнасынан тікелей эфирде көрсетіледі.
Екі команда бүгінге дейін 53 мәрте шеберлік байқасты. Оның 18-і «Барыстың» басымдығымен аяқталса, қалғанында ресейлік клубтың мерейі үстем болды.
«Барыс» бұдан бұрын елордада Ресейдің «Автомобилист» командасынан овертаймда 5:4 есебімен басым түсті.
Биыл 5 қыркүйекте елордада өткен екі команда арасындағы алғашқы кездесуде «Металлург» 2:1 есебімен жеңген болатын.
Ал «Металлург» Магнитогорскіде Мәскеудің ЦСКА командасын 4:0 есебімен тізе бүктірді.
Айта кетейік, «Барыс» 11 ойыннан кейін 8 ұпаймен турнир кестесінде 18-орында келеді. Ал «Металлург» 18 ұпаймен 2-орында тұр.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.