АСТАНА. ҚазАқпарат – Елордалық «Барыс» Құрлықтық хоккей лигасындағы кезекті ойынын бүгін Ресейде «Спартак» (Мәскеу) клубына қарсы өткізеді, деп хабарлайды ҚазАқпарат тілшісі.
Аталған ойын елорда уақытымен 22:30-дa басталып, «Qazsport» телеарнасынан тікелей эфирде көрсетіледі.
Екі команда бұған дейін 27 мәрте кездесті. Оның 10-ы «Барыстың» басымдығымен аяқталса, қалғанында ресейлік клубтың мерейі үстем болды.
Қазір турнир кестесінде он бір ойыннан11 ұпайға қол жеткізген «Барыс» 15-орында келеді. Ал, он бір ойыннан кейін 15 ұпай жинаған «Автомобилист» 8-орынға жайғасқан.
Кейінгі он кездесудің бесеуінде қазақстандық клуб жеңіске жетті.
2021 жылдың 18 қарашасында Құрлықтық хоккей лигасында «Барыс» сырт айдында 2:5 есебімен жеңілсе, биылғы 21 қаңтарда өткен жолдастық кездесуде 2:5 есебімен басым түсті.
Еске салсақ, бұдан бұрын «Барыс» Ресейде «Локомотивтен» басым түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.